InicioEconomíaA Xunta defende o servizo de transporte metropolitano no Baixo Miño e...

A Xunta defende o servizo de transporte metropolitano no Baixo Miño e fala de “descoñecemento” dos alcaldes

Os alcaldes criticaron que a zona queda "excluída" da rede metropolitana.

PUBLICADO O

- Advertisement -

A Xunta de Galicia defendeu este venres que a posta en marcha do plan de transporte público de Galicia suporá unha mellora substancial dos servizos para os veciños dos concellos do Baixo Miño, e lamentou o “descoñecemento” dos alcaldes da comarca, que criticaron que a zona queda “excluída” do transporte metropolitano.

Así, a administración autonómica sinalou que esas críticas dos rexedores e rexedoras “evidencian un completo descoñecemento das liñas de autobús que proximamente entrarán en funcionamento nos seus municipios”.

Segundo explicou, os contratos, que están en fase de adxudicación, crean novas liñas de bus máis directas desde A Guarda, Tui, O Rosal e Tomiño, tanto cara ao campus da Universidade de Vigo como cara aos hospitais (Álvaro Cunqueiro e Povisa), “tendo en conta que se manteñen os servizos ao Hospital Meixoeiro” que xa existen.

Ademais, créase unha nova liña entre A Guarda, O Rosal e Oia, con dúas frecuencias diarias en días lectivos. Así, entre A Guarda e Vigo pásase de 14 a 16 liñas (57 expedicións diarias), e mellóranse as conexións co campus e co Álvaro Cunqueiro.

As conexións entre Tomiño e Vigo aumentan a 15 (54 expedicións diarias) e haberá 24 conexións diarias co campus e o hospital. Entre O Rosal e Vigo, o novo contrato prevé 54 expedicións diarias (14 máis), e conexións co campus universitario; mentres que haberá 35 frecuencias diarias entre Tui e Vigo, das que 6 terán parada no Hospital Álvaro Cunqueiro.

Por outra banda, o Goberno galego tamén lembrou que se crearán bonos mensuais de 50 viaxes para mellorar os prezos, e estenderase o Cartón de Transporte Metropolitano (TMG) e o Cartón Xente Nova aos municipios do Baixo Miño.

O Baixo Miño quedará incomunicado polo plan de transporte metropolitano da Xunta

ÚLTIMAS

Detido en República Dominicana un home condenado por violar e gravar a unha moza en Vigo tras fuxir de España

A Policía Nacional de República Dominicana detivo nas últimas horas a Miguel Ángel Wilson, de...

Traballadoras de Protección e Reforma de Menores concéntranse ante a delegación da Xunta para reclamar condicións laborais dignas

Traballadoras do servizo de Protección e Reforma de Menores concentráronse este martes, convocadas polo...

Renuncia por motivos de saúde o concelleiro de Educación, Deportes e Mocidade de Redondela, Iván Valles

O concelleiro socialista do Concello de Redondela, Iván Valles, presentou a renuncia ao seu cargo...

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...