InicioSociedadeO Baixo Miño quedará incomunicado polo plan de transporte metropolitano da Xunta

O Baixo Miño quedará incomunicado polo plan de transporte metropolitano da Xunta

Tamén se privará aos veciños da comarca de posibilidade de acceder a tarifas bonificadas, descontos e outras vantaxes.

PUBLICADO O

- Advertisement -

Os rexedores da Mancomunidade Intermunicipal do Baixo Miño (A Guarda, O Rosal, Tomiño e Tui) reclamaron este venres á Xunta que teña en conta as súas alegacións ao plan de transporte metropolitano, que “exclúe” a esta comarca e déixaa “incomunicada”.

Segundo trasladaron, a exclusión desta zona do plan de transporte metropolitano da área de Vigo “causará importantes prexuízos” aos veciños e á actividade económica, xa que o Baixo Miño quedará “incomunicado” e “illado da súa área sanitaria de referencia e do campus da Universidade de Vigo”.

O deseño avanzado pola Xunta supón, denunciaron, supón a redución das frecuencias dos viaxes, e a eliminación das frecuencias que hai entre as 9:00 e as 12:00 horas. Ademais, incidiron, privarase aos veciños da comarca da posibilidade de beneficiarse de tarifas bonificadas, descontos e outras vantaxes.

Os municipios afectados xa presentaron hai un ano un conxunto de alegacións ao anteproxecto do plan de transporte e expuxeron propostas concretas para a implantación de liñas que conectasen o Baixo Miño coa Universidade, coa área sanitaria ou liñas circulares entre núcleos de poboación da comarca.

Finalmente, os alcaldes e alcaldesas advertiron de que a exclusión do Baixo Miño dese plan de transporte supón “un agravio comparativo” con respecto aos municipios que si forman parte da rede (Baiona, Cangas, Fornelos, Moaña, Mos, Nigrán, O Porriño, Pazos de Borbén, Redondela, Salceda, Salvaterra e Soutomaior). “En lugar de aproveitar a oportunidade e apostar polo servizo público, o que se está facendo é precarizalo, co que terá menos viaxeiros e resultará cada vez menos rendible”, criticaron.

ÚLTIMAS

O Museo do Mar de Galicia difunde o legado de Luísa Villalta cunha mostra do seu legado e traxectoria

O director xeral de Cultura, Anxo M. Lorenzo, inaugurou este luns no Museo do...

Alerta na praia de Samil por exercicios de rescate marítimo

Un exercicio de adestramento de rescate marítimo alertou na tarde deste luns aos bañistas...

Abren dilixencias previas por verteduras da cidade deportiva do Celta tras denuncias ecoloxistas

O Xulgado de Instrución número 2 de Vigo notificou a Ecoloxistas en Acción a apertura de dilixencias previas...

Atopan unha nova alga moi invasora na ría de Vigo

O grupo de investigación BioCost, do Centro Interdisciplinar de Química e Bioloxía da Universidade...