O Concello de Vigo iniciou este martes a montaxe dos grandes elementos do seu Nadal, despois de comezar en xullo co ensamblaxe do seu alumeado, que este ano contará con máis de 12 millóns de luces LED. Así, o alcalde, Abel Caballero, presentou esta mañá en Gran Vía a caixa de agasallo xigante, un dos elementos “máis emblemáticos” do Nadal vigués, que se coloca cada inverno ao carón da figura dos Rederos.

Con 18 metros de altura, un máis ca o ano pasado, terá nove metros de ancho e 15 de profundidade, con 81.000 luces LED en total, 2.000 máis. O alcalde destacou que en total haberá na cidade uns 12 millóns de luces LED, que poderían chegar finalmente a case 13 millóns. Estes elementos estarán distribuídos por distintos puntos da cidade xunto con 7.000 motivos decorativos.