A Policía Local de Vigo tramitou denuncias contra 9 mozos, de entre 17 e 21 anos de idade, que foron identificados por participar de madrugada nunha festa que se celebraba no baixo dun edificio.

Segundo informaron fontes policiais, os feitos ocorreron sobre as 3,30 horas, cando varios veciños chamaron ao 092 para alertar de que se estaba celebrando unha festa nun baixo da Avenida de Castrelos, e o ruído non permitía o descanso.

Unha vez no lugar, os axentes percibiron, desde a rúa, o elevado volume da música que saía do local, así como voces nun ton alto procedentes dun grupo de persoas.

Os axentes observaron que un mozo e unha moza saíron do baixo e, ao facelo, deixaron a porta aberta, polo que os policías puideron comprobar que había un grupo de mozos dentro.

Os policías desaloxaron a festa e identificaron os participantes, en total nove novos de entre 17 e 21 anos de idade, a maioría dos cales non portaba máscara e non respectaban as distancias de seguridade, ademais de non ser convivientes. Todos eles foron propostos para sanción por infrinxir a normativa antiCOVID.