InicioSociedadeCondenan ao CSIC a indemnizar con 52.000 euros a unha traballadora por...

Condenan ao CSIC a indemnizar con 52.000 euros a unha traballadora por 17 anos de precariedade

O Tribunal de Instancia de Vigo recoñece o "abuso da contratación temporal" tras encadear contratos ata acadar a praza fixa en 2025.

PUBLICADO O

- Advertisement -

A Sección do Social do Tribunal de Instancia de Vigo condenou ao Consello Superior de Investigacións Científicas (CSIC) a indemnizar con máis de 52.000 euros a unha traballadora que encadeou contratos durante 17 anos ata que conseguiu unha praza fixa nunha oposición en 2025. Na súa sentenza, o xuíz recoñece o “abuso da contratación temporal” que sufriu a empregada, polo que determina que “debe compensarse”.

O maxistrado insiste en que o cómputo da experiencia como mérito no proceso selectivo non é suficiente para paliar o abuso, porque se valora tamén a outros que non sufriron esa situación. Así mesmo, sinala que a convocatoria dun proceso selectivo tampouco é reparadora cando participan persoas que non sufriron tal abuso e, ademais, os afectados poden perder o seu emprego se non superan as probas correspondentes.

Ante esta situación de “precariedade” que viviu a muller durante 17 anos, o fallo determina que “procede recoñecer a indemnización solicitada”, despois de que a vítima asinase o contrato da súa nova praza cun documento no que reclamaba a compensación por todos os anos nos que traballara como “persoal laboral indefinido, non fixo”.

A sentenza engade que a normativa nacional establece o dereito dos traballadores a percibir unha compensación polo abuso derivado do incumprimento dos prazos máximos de permanencia. Esta indemnización debe ter en conta a natureza das funcións, o número e a duración acumulada dos contratos, as vantaxes económicas que a traballadora podería obter de non producirse o abuso e o prexuízo pola situación de incerteza.

Por iso, o fallo estima integramente a demanda interposta pola traballadora e condena ao CSIC a pagarlle 52.104,99 euros máis os intereses. Con todo, a sentenza non é firme, xa que cabe interpor recurso de suplicación ante o Tribunal Superior de Xustiza de Galicia (TSXG).

ÚLTIMAS

Vigo e as pensións

POR ÓSCAR LOMBA, activista social e integrante de Podemos Defender as pensións públicas é defender...

Vigo, epicentro dunha folga xeral con numerosas mobilizacións en toda Galicia

Os traballadores galegos están convocados este mércores 11 de novembro a secundar unha folga...

Disney+ desembarca no Nadal de Vigo cunha experiencia inmersiva gratuíta e “única”: así será a nova atracción do centro da cidade

O alcalde de Vigo, Abel Caballero, anunciou que Disney+ instalará na rúa Policarpo Sanz...

O PP de Vigo acusa a Caballero de “vetar” un aumento da partida de vivenda

A presidenta do PP de Vigo, Luisa Sánchez, acusou o alcalde, Abel Caballero, de...