O PPdeG reivindicou este venres á rexedora de Mos, Nidia Arévalo, como “exemplo de alcaldesa ambiciosa e comprometida”, que “nunca perda a ilusión” por mellorar o seu concello. Así o trasladou a secretaria xeral do PPdeG, Paula Prado, durante a cea de Nadal dos ‘populares’ de Mos, na que tamén participou o presidente provincial do partido, Luís López, e as conselleiras Marta Villaverde e María Jesús Lorenzana.
Para Paula Prado, a maioría que ostentan Nidia Arévalo e o seu equipo en Mos, pon de manifesto que, cando os cidadáns confían no proxecto do PP, este devolve a confianza “co cumprimento da palabra dada, a estabilidade, o rigor e o ‘sentidiño’ que caracterizan ao partido”.
Mentres, Luís López tamén enxalzou a “magnífica xestión” de Arévalo e a súa “proximidade coa xente” e “capacidade de traballo”. “Mos é un concello mediano como hai moitos en Galicia, pero o PP local conseguiu convertelo nun sitio único, un lugar dinámico e acolledor, que ofrece infinitas oportunidades“, subliñou.
