O alcalde de Vigo, Abel Caballero, anunciou que o vindeiro venres, día 19 de xullo, sairán á venda as entradas para asistir ao concerto de Aitana no Auditorio de Castrelos, que levará a cabo o 3 de agosto.

Tal como lembrou o rexedor, ofreceranse 5.000 reservas para asistir á platea do auditorio, mentres que gozar da actuación na bancada será gratuíto para todos os asistentes.

En concreto, como vén sendo habitual, venderanse 2.000 pases a partir das 09.30 horas de forma presencial nos despachos de billetes de Castrelos, así como 500 na web do Concello. O mesmo ocorrerá a partir das 16.30 horas.