O Bloque Nacionalista Galego (BNG) urxiu ao goberno local de Vigo que retire a iluminación de Nadal que continúa instalado nas árbores de diferentes puntos da cidade, como na Alameda, en Colón ou en Rosalía de Castro.
Nun comunicado, o partido reiterou que estas instalacións vulneran, ao seu xuízo, as prohibicións da ordenanza municipal de medio ambiente do propio Concello. Así, o concelleiro nacionalista, Xabier Pérez Iglesias, criticou que cando se vai a cumprir un mes do apagado, as luces continúan colgadas de numerosas árbores da urbe olívica, unha situación “intolerable e inxustificable”.
O BNG leva anos denunciando esta instalación de luces en árbores naturais. “A piques de acender o entroido, o alcalde, Abel Caballero, continúa estrangulando as árbores da cidade”, lamentou Iglesias.
