InicioSucesosCanto lle custou á Xunta a atención dos feridos no accidente do...

Canto lle custou á Xunta a atención dos feridos no accidente do Marisquiño?

A Asociación de Médicos Interinos de Galicia (Asmig) pídelle á Xunta que os responsables do accidente paguen a factura dos gastos médicos.

PUBLICADO O

- Advertisement -

A Asociación de Médicos Interinos de Galicia (Asmig) xa cuantificou o que lle custou ao Servizo Galego de Saúde (Sergas) os gastos do accidente no Porto de Vigo. Uns gastos que estiman en 300.000 euros a falla de efectuar un informe final.

Nun comunicado remitido este mércores, a entidade asegurou que, segundo a vixente Orde de Tarifas do Sergas, a estancia en UVI, UCI ou unidades asimiladas –de atención especializada, servizos de reanimación, unidades de queimados, lesionados medulares ou calquera outra que teña establecida o centro hospitalario–, facturarase por 1.109,06 euros.

Ademais, asegura que a tarifa de hospitalización en centros hospitalarios por día de estancia e cama ocupada é de 513,48 euros e, por urxencia hospitalaria non ingresada, de 351,01 euros. Ademais, por primeiras consultas ambulatorias a tarifa ascende a 169,97 euros.

Ademais, para a asociación, as sucesivas consultas de seguimento que serán necesarias tamén van supor unha “sobrecarga asistencial” nos centros de saúde do Concello de Vigo e limítrofes. Así mesmo, sinala que os procesos de baixa laboral terán tamén un “impacto económico elevado, segundo a gravidade das lesións”.

Por iso, reclama que a atención sanitaria aos case 400 feridos polo accidente do Marisquiño de Vigo vai supor un “forte gasto económico” para o Sergas e que “debería ser asumido pola ou as institucións ás que se considere en última instancia responsables do accidente”. “En ningún caso, deben ser afrontados polo sistema público de saúde”, indicou.

ÚLTIMAS

Detido en República Dominicana un home condenado por violar e gravar a unha moza en Vigo tras fuxir de España

A Policía Nacional de República Dominicana detivo nas últimas horas a Miguel Ángel Wilson, de...

Traballadoras de Protección e Reforma de Menores concéntranse ante a delegación da Xunta para reclamar condicións laborais dignas

Traballadoras do servizo de Protección e Reforma de Menores concentráronse este martes, convocadas polo...

Renuncia por motivos de saúde o concelleiro de Educación, Deportes e Mocidade de Redondela, Iván Valles

O concelleiro socialista do Concello de Redondela, Iván Valles, presentou a renuncia ao seu cargo...

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...