Axentes da Policía Local de Vigo detiveron a un home de 37 anos de idade, N.D.R.V., como presunto autor dun delito de quebrantamento de medida, tras vulnerar unha orde de afastamento imposta polo Xulgado de Violencia sobre a Muller da cidade olívica. Segundo informaron fontes policiais, os feitos ocorreron na noite deste luns, cando unha dotación do 092 que circulaba pola rúa Pizarro observou a un grupo de persoas consumindo bebidas alcohólicas nun parque infantil.

Ao decatarse da presenza policial, tentaron abandonar o lugar á carreira, pero foron interceptados e identificados os axentes. Entre as persoas identificadas atopábase este home, sobre o que pesa unha medida cautelar de afastamento dunha muller, ditada polo Xulgado de Violencia sobre a Muller de Vigo. Dita orde prohíbelle expresamente achegarse a menos de 500 metros desa muller, e os axentes comprobaron que este individuo estaba a menos de 200 metros da protexida, polo que se procedeu á súa detención.