InicioSucesosDecretan a liberdade do kamikaze que provocou un accidente na AP-9 en...

Decretan a liberdade do kamikaze que provocou un accidente na AP-9 en Redondela

O home, que foi detido tras dar positivo no test de alcoholemia e indiciario en drogas, provocou un sinistro no que se viron implicados outro catro vehículos.

PUBLICADO O

- Advertisement -

A titular do Xulgado de Instrución número 2 de Redondela, en funcións de garda, decretou este luns a posta en liberdade do home investigado por un delito contra a seguridade viaria, na súa modalidade de condución temeraria, por provocar unha colisión múltiple este pasado domingo despois de circular en sentido contrario na AP-9, ao seu paso polo devandito municipio pontevedrés.

O home, que foi detido tras dar positivo no test de alcoholemia e indiciario en drogas, provocou un sinistro no que se viron implicados outro catro vehículos. Segundo informaron fontes da Garda Civil a Europa Press, unha persoa resultou ferida grave e tivo que ser trasladada a un centro hospitalario, mentres que outra persoa sufriu feridas leves e varias resultaron ilesas.

En concreto, o sinistro produciuse no quilómetro 151 da autovía AP-9 ás 06,25 horas deste pasado domingo, 20 de novembro. Foi un particular quen alertou ao 112 Galicia e sinalou ademais que un dos vehículos implicados circulaba en sentido contrario.

Para o operativo de emerxencias, o 112 mobilizou aos servizos sanitarios, aos Bombeiros de Vigo e do Porriño, ao GES de Mos, á Garda Civil de Tráfico e á Policía Local de Redondela, así como ao servizo de mantemento de estradas.

Cabe sinalar que no mesmo punto no que se produciu este accidente, o pasado venres, 18 de novembro, rexistrouse outra colisión múltiple, neste caso, con tres vehículos implicados e unha persoa trasladada.

ÚLTIMAS

Detido en República Dominicana un home condenado por violar e gravar a unha moza en Vigo tras fuxir de España

A Policía Nacional de República Dominicana detivo nas últimas horas a Miguel Ángel Wilson, de...

Traballadoras de Protección e Reforma de Menores concéntranse ante a delegación da Xunta para reclamar condicións laborais dignas

Traballadoras do servizo de Protección e Reforma de Menores concentráronse este martes, convocadas polo...

Renuncia por motivos de saúde o concelleiro de Educación, Deportes e Mocidade de Redondela, Iván Valles

O concelleiro socialista do Concello de Redondela, Iván Valles, presentou a renuncia ao seu cargo...

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...