InicioSociedadeConducindo asomando o corpo polo teito do coche

Conducindo asomando o corpo polo teito do coche

Dirección Xeral de Tráfico (DGT) prevé 10,7 millóns de desprazamentos en Galicia durante a operación especial de tráfico do verán.

PUBLICADO O

- Advertisement -

O aire acondicionado parece non ser suficiente para algúns para refrescar o interior dos seus vehículos durante a marcha.

As imaxes de xente sen cinturón de seguridade asomando polos teitos dos coches ou mesmo sentados nos maleteiros dos descapotables cirulando incluso por autoestrada, fanse virais en internet ante a sorpresa de moitos.

A rede Social Drive publicaba onte o vídeo dun todo terreno, matrícula de Suiza, circulando por Aldán, onde un acompañante e o conductor asomaban parte do corpo polo teito do coche.

A Dirección Xeral de Tráfico (DGT) prevé 10,7 millóns de desprazamentos en Galicia durante a operación especial de tráfico do verán, o que supón un 11,5% do total de coches que circularán nos meses de xullo e agosto en toda España. Este dato é un 24% maior que o do pasado ano.

As cifras foron achegadas polo delegado do Goberno en Galicia, José Miñones, nunha rolda de prensa celebrada este xoves no Centro de Xestión do Tráfico da Coruña, onde asegurou que “Galicia está de moda” como “zona preferente nos desprazamentos dentro de España e falou de “cifras récord” nas previsións da DGT.

No acto estivo acompañado polo director do centro, Ramiro Martínez; a coordinadora da DGT en Galicia, Vitoria Gómez; a subdelegada do Goberno na Coruña, María Rivas; o xeneral xefe da Garda Civil, Luís Francisco Martínez; e o tenente coronel xefe da Agrupación de Tráfico da Garda Civil en Galicia, Orentino Varela.

O delegado pediu “responsabilidade, prudencia e seguridade” en todos os movementos que se produzan no verán. “Nesta ocasión, non só quero referirme á condución senón tamén aos desprazamentos en bicicleta ou motocicleta e moi especialmente aos peóns”, apostilou.

Recalcou ademais, que “este ano” se produciron “seis falecidos en atropelos” en Galicia. Precisamente, os atropelos son os protagonistas da campaña de sensibilización da DGT para este verán.
Operación saída

Miñones explicou tamén que a operación saída das vacacións arrinca esta fin de semana en Galicia con 550.000 desprazamentos, “o 12,5% do total nacional”. Respecto ao ano pasado, esta cifra supón “un incremento do 40%”.

Será a primeira fase das catro nas que se divide a operación saída do verán. Durará desde este venres 1 de xullo ás 15:00 horas ata a medianoite do domingo.

Tras apelar á precaución, José Miñones lamentou a perda o verán pasado de “dez vidas” nas estradas galegas e remarcou que no que vai de 2022, mantéñense “as mesmas cifras” que o ano pasado, situadas a “nivel inferior” de 2019, previo á pandemia.
Vixilancia

Para velar polo cumprimento das normas haberá 336 cámaras para controlar o tráfico, 206 radares, un helicóptero e dous drons de vixilancia.

A Garda Civil prevé realizar preto de 140.000 probas alcoholemia, máis de 2.000 test de drogas e controis de velocidade a ao redor de 740.000 vehículos.

ÚLTIMAS

Enfróntase a máis de 16 anos de cárcere acusado de violar e roubar a unha muller á de traballar dun hospital de Vigo

A sección quinta da Audiencia Provincial de Pontevedra, con sede en Vigo, xulgará o vindeiro...

Os servizos emerxencias traballan na extinción dun incendio nun cortello da avenida Ricardo Mella

Os servizos de emerxencias traballan na extinción dun incendio declarado nun cortello da avenida...

Detido en Vigo un home por dous ataques consecutivos á Policía Local nun só día

Axentes da Policía Local de Vigo detiveron a un cidadán estranxeiro, A.M., de 30...

Detido en Vigo con haxix, cocaína e máis de 1.300 euros en efectivo

Axentes da Policía Local de Vigo detiveron a un home de 44 anos de...