InicioSociedadeFeijóo promete agora estabilidade laboral ao persoal sanitario

Feijóo promete agora estabilidade laboral ao persoal sanitario

PUBLICADO O

- Advertisement -

O presidente da Xunta, Alberto Núñez Feijóo, recoñeceu o seu erro e o de distintas consellerías no anuncio do controvertido cheque regalo de 250 euros para que os profesionais sanitarios. Con todo, aproveitou durante a rolda de prensa do Consello da Xunta deste xoves para anunciar que estudan “incentivos” e mellorar as condicións laborais dos profesionais do Sergas en canto lle cheguen as axudas Covid do Goberno central.

O presidente da Xunta, Alberto Núñez Feijóo, en rolda de prensa.. XUNTA

O presidente da Xunta, Alberto Núñez Feijóo, en rolda de prensa.. XUNTA

“É evidente que houbo unha explicación pésima e moi desacertada, comezando or min”, dixo Feijóo ao ser preguntado polas críticas de todo o sector sanitario –asociacións, sindicatos ou colexios profesionais– contra o chegue dos 250 euros. Así, destacou que este bono “non ten que ver co sector sanitario”, senón que tiña como fin impulsar o sector turístico.

“Tentamos impulsar medidas para diminuir o impacto económico“, dixo ao tempo en que insisitiu en que “non se explicou ben” e, polo tanto, “non se entendeu ben”, por parte dos sanitarios. “Pido diseculpas porque non era esa a nosa intención”, recoñeceu.

MEDIDA ELECTORAL?

Con todo, Feijóo tentou enmendar este “erro”, anunciando novas medidas para estabilizar a situación laboral dos sanitarios. Precisamente, todos os colectivos deste sector, sen excepción, criticou que se dean bonos regalo, pero non se estabilice as condicións laborais nas que se atopan moitos profesionais.

Por iso, e a unhas horas do arranque da campaña, Feijóo anunciou que mellorará estas condicións e que, tanto as consellerías de Sanidade como de Facenda, están xa estudando propostas en materia de “incentivos e estabilidade laboral” para todo o colectivo sanitario. “Pero para iso temos que saber o que nos tocará do fondo de 16.000 millóns de euros prometidos polo Goberno para paliar os efectos da Covid-19”, dixo. 

“Cando saibamos o que nos toca, miraremos o que podemos facer e presentaremos unha proposta que será discutida na mesa sanitaria cos sindicatos”, engadiu.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...