Os termos ‘feminismo’, ‘sororidade, ‘fariña’, ‘apoderamento’ ou ‘fascismo’ foron outros dos máis votados na iniciativa promovida polo Portal das Palabras, un proxecto web da RAG e a Fundación Barrié.
O termo ‘deseucaliptización’ foi escollido Palabra do Ano 2018 logo de acadar a maioría absoluta na votación promovida no Portal das Palabras. Dos 5.724 votos rexistrados, esta verba xuntou 3.114 apoios cos que se impuxo ás outras cinco palabras finalistas: ‘feminismo’, ‘sororidade’, ‘fariña’, ‘apoderamento’ ou ‘fascismo’.
A iniciativa de elixir unha palabra do ano provén do Portal das Palabras, un proxecto web impulsado pola Real Academia Galega e a Fundación Barrié que ten como fin divulgar o léxico galego. Neste caso, o seguimento da proposta superou os cinco milleiros de votos. Se queres coñecer esta iniciativa máis polo miúdo, visita Galicia Confidencial.
Podemos dicir que a deseucaliptización foi tamén palabra do ano en Xornal de Vigo, tendo en conta a cantidade de novas, reportaxes e entrevistas publicadas ao respecto deste asunto. Desta vez, recuperamos algunhas delas.
novas
Mos e Ponteareas celebran o Día do Patrimonio eliminando eucalipto.
As Neves esixe á Xunta que free a expansión incontrolada de eucalipto.
Cinco ducias de voluntarios eliminan eucalipto en Hío.
Ponteareas móvese para liberar de eucaliptos o castro de Troña.
Demandan outra xestión do monte mentres a Xunta insiste en aumentar o eucalipto.
O eucalipto coloniza unha fraga autóctona en Nigrán.
Chandebrito inaugura o Bosque da Memoria ao son do himno galego.
entrevistas e reportaxes
The Navigator Company, a multinacional lusa que quixo encher de eucalipto os montes galegos.
Unha rede de colaboración para descobrer as causas agochadas tralos incendios.
As causas agochadas tralos incendios que asolaron Galicia o pasado outubro.
Podemos evitar que a traxedia se repita?
“O eucalipto é un veleno para a biodiversidade”
Así chegou o eucalipto a Galicia.
Un estudio demostra que a biodiversidade das zonas de carballo duplica a dos eucaliptais.
‘Feminismo’, con 1.032 votos; ‘sororidade’, con 641; ou ‘apoderamento’, con 316, foron outras das verbas que se coaron entre as máis apoiadas e que reflicten que este foi un ano repleto de reivindicacións pola igualdade de xénero. Tamén ‘fascismo’ ou ‘fariña’ estiveron entre as máis votadas.
