As obras do Barrio do Cura de Vigo comezaron este martes, supondo así o inicio duns traballos para construír 264 novas vivendas, un 30% de protección oficial.

Precisamente o alcalde, Abel Caballero, acudiu esta mañá á zona, destacando o “fito histórico” que supón a rexeneración deste barrio, que traerá consigo tamén novos servizos, dotacións, aparcadoiros e zonas verdes.

O rexedor explicou que as rúas Llorente e Santa Marta terán cinco metros máis de ancho, mentres que o miradoiro de Paseo Alfonso XII prolongarase por diante das construcións, ata chegar a Santa Marta. Ademais, o túnel desde Porta do Sol desembocará en Torrecedeira.

“É unha das grandes transformacións da cidade”, declarou Caballero, quen puxo de manifesto que esta obra se suma á actuación na Panificadora, que comezará “axiña que se aprobe a PXOM”.

Así mesmo, lembrou que o Berbés e o Barrio do Cura estarán unidos a través de dous novos elementos mecánicos do programa Vigo Vertical.