InicioEconomíaO Concello de Vigo engade 45,8 millóns ás contas deste ano para...

O Concello de Vigo engade 45,8 millóns ás contas deste ano para máis de 60 actuacións

Destinará 4 millóns para as festas de 2022, 1,5 millóns máis que en 2021.

PUBLICADO O

- Advertisement -

O alcalde de Vigo, Abel Caballero, asinou este luns o expediente para modificar o orzamento do Concello deste 2022, engadindo 45,8 millóns de euros para levar a cabo máis de 60 actuacións.

Tal como informou o rexedor, esta cantidade provén dos remanentes do Concello e permitirán na súa maioría financiar investimentos nas áreas de Fomento, aínda que tamén algunhas outras no ámbito deportivo, educativo, cultural, de xardíns, transporte e patrimonio.

Así, permitirá o asfaltado da rúa Marín, a liquidación das obras de Serafín Avendaño, a cuberta e protección do tranvía de Avenida de Castelao, a humanización de Terzo de Afora ou a segunda fase da vía verde, entre outras moitas accións.

Os 45,8 millóns de euros procedentes do aforro municipal, unidas aos investimentos do Concello xa recollidas no orzamento elevan os investimentos por enriba dos 100 millóns.

“Este ano estaremos a investir na cidade 115 millóns de euros, sen incluír proxectos europeos. Isto non ocorreu nunca na historia da cidade. É unha cantidade de investimento inimaxinable en ningún momento porque imos alcanzar case 140 millóns”, destacou Caballero.

Por outra banda, Vigo destinará ata 4 millóns de euros para as festas deste ano, 1,5 millóns de euros máis que en 2021. O alcalde puxo en valor que o Concello financiará “parte importante” das festas que se celebran nas parroquias, non só as que levan a cabo no centro, de aí o aumento de orzamento.

Ademais, asegurou que este ano as festas serán “excepcionais, as melloras que houbo nunca”, referíndose tamén aos concertos que haberá en Castrelos.

ÚLTIMAS

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...

O BNG esixe pór fin ao “descontrol” e á “barra libre” dos pisos turísticos en Vigo: “En 5 anos, pasaron de 400 a 2.400”

O BNG de Vigo esixiu ao goberno municipal e á Xunta de Galicia que poñan fin...

O embaixador de Perú rende homenaxe ás vítimas do Villa de Pitanxo no porto de Vigo

O embaixador de Perú en España, Luís Iberico Núñez, encabezou este domingo unha ofrenda...

Enfróntase a máis de 16 anos de cárcere acusado de violar e roubar a unha muller á de traballar dun hospital de Vigo

A sección quinta da Audiencia Provincial de Pontevedra, con sede en Vigo, xulgará o vindeiro...