O comité Blue Growth de Turismo de Cruceiros do Porto de Vigo avogou por estender as visitas ás Illas Cíes fora de tempada alta, expondo a posibilidade de estudar ofertas de lecer alternativas ao longo do ano, fuxindo da concentración durante os meses de verán.
Tal como informou a Autoridade Portuaria nun comunicado, con 20 escalas previstas, o mes de outubro de 2023 será, polo momento, o que aglutinará máis escalas o próximo ano.
Por iso, o comité viu a posibilidade de estudar esta alternativa, xa que cada vez son máis os cruceiros que chegan a Vigo durante os meses de outono e inverno, “entre os que destacan cruceiros de luxo, premium e de expedición, entre cuxas peculiaridades ofrecen á súa pasaxe a posibilidade de coñecer máis de preto as coñecidas como ‘Illas dos Deuses”.
Para os integrantes deste grupo de traballo, formado pola propia Autoridade Portuaria, a Xunta, empresas de servizos, comerciantes, hostaleiros, navieras, responsables sanitarios, Forzas e Corpos de Seguridade do Estado ou consignatarios, entre outros, a solución pasaría por permitir as visitas máis aló do 15 de setembro.
