O Porto de Vigo e a Asociación de Industrias do Metal e Tecnoloxías Asociadas de Galicia (Asime) coinciron na necesidade de ampliar espazos portuarios na cidade de cara a atender as demandas vindeiras.

Así, para o porto vigués isto é necesario co fin de “captar toda a actividade posible para estar listos cando a situación volva despegar”, mentres que os empresarios comentaron que estes novos espazos “son unha necesidade inminente para a competitividade” da industria.

Neste sentido, o presidente da Autoridade Portuaria, Jesús Vázquez Almuíña, explicou que a tendencia do mercado vai cara a barcos con maior calado e lonxitude, polo que é necesario ter máis liñas de atracada e de maior calado que se poidan utilizar de forma simultánea.

En relación aos espazos, tamén referendou a súa aposta pola plataforma loxística da Plisan. “Queremos dar o empuxón definitivo; iso pódenos axudar a gañar espazo no que non teña que estar necesariamente á beira do mar, pero que si sexa unha actividade portuaria importante”, selou.