Axentes do Grupo Especial de Operacións da Policía Nacional abordaron este outubro –a 600 millas das Illas Canarias e co apoio da Armada Española– un mercante que transportaba nun peso bruto aproximado nas súas adegas de 6.500 quilos de cocaína. O destino final do buque, de máis de 54 metros de eslora, 12 de manga e 4 e medio de puntal, era o Porto de Vigo. E, curiosamente, a droga non procede nin de Venezuela, nin de Colombia, senón de Panamá, onde os EE.UU. ten unha base militar.
Así, grazas aos mecanismos de cooperación policial internacional, o pasado 8 de outubro recibiuse unha información procedente da axencia americana DEA (Drug Enforcement Administration) na que alertaban das actividades dunha organización criminal internacional que pretendía levar a cabo o transporte dunha gran cantidade de cocaína a través do Océano Atlántico, segundo relatou o corpo de seguridade.
Segundo as primeiras informacións, o barco abastecedor sería unha embarcación tipo ‘supply ship’, de bandeira de Tanzania, que partira desde o panameño porto de Cristobal Anch cara ao noso país. Por iso, a Policía Nacional, baixo a dirección da Fiscalía Especial Antidroga da Audiencia Nacional e co apoio da Armada Española, coordinou un operativo para tratar de localizar a embarcación.
POSTA EN MARCHA DO OPERATIVO
Tras a alerta recibida, o rumbo facilitado e o modus operandi, deseñouse un operativo para evitar que a droga puidese chegar ata as costas españolas. En concreto, sobre as 21:30 horas do día 22 de outubro, co apoio das Forzas Armadas españolas, estableceuse un dispositivo de abordaxe sobre o mercante, que tivo lugar a 600 millas das Illas Canarias, realizado desde un buque da Armada por efectivos do GEO.
Unha vez a bordo localizouse e detivo ao nove membros da tripulación, podéndose localizar nunha primeira requisa de seguridade estruturas e construcións alleas ao que se supón é un buque de carga, as cales serían as que estarían a almacenar o estupefaciente.
