O BNG de Vigo lamentou que o goberno local de Abel Caballero “siga tolerando a pirataría de Uber” na cidade, asegurando que, tras cumprirse unha semana desde que o Concello denegoulle os permisos á empresa, esta segue operando.
Nun comunicado, os nacionalistas solicitaron coñecer cantos vehículos VTC de Uber foron identificados e propostos para sanción ao actuar de forma “ilegal”.
Respecto diso, o portavoz do Bloque, Xabier Pérez Igrexas, criticou que o goberno local continúe de “brazos cruzados” ante estas prácticas de Uber, que segue circulando “sen ningún disimulo” en Vigo a pesar de non ter autorización.
“De nada serve denegar o permiso se se tolera que continúen operando sen el”, criticou Igrexas, subliñado que o Concello ten a competencia e a obrigación de facer cumprir a lei.
