Unha lancha de recreo ardeu por completo en Vigo, resultando ilesos os seus tripulantes, segundo informa o 112 Galicia que explica que alertaron desde unha embarcación auxiliar. O barco ardeu por completo e foi remolcado por Salvamento Marítimo ao porto deportivo de Bouzas. O aviso chegou sobre as 23.30 horas e a persoa que alertaba era un dos afectados.

Chamaba desde unha embarcación auxiliar a remo e explicou que estaba a arder o seu barco, que se atopaba preto do porto de Canido. Pouco despois das 1.30 horas, o persoal de Salvamento Marítimo sinalou que o lume estaba apagado.

O barco foi remolcado ao porto de Bouzas pola embarcación Salvamar Mirach, a bordo da cal viaxaron tamén as dúas persoas implicadas.

 

Ver esta publicación en Instagram

 

Una publicación compartida de Galicia Confidencial (@galicia_confidencial)