Un home tivo que ser trasladado polos servizos sanitarios tras sufrir queimaduras na cara por mor dun incendio na súa vivenda unifamiliar situada no Camiño de Cotiño, na parroquia viguesa de Cabral. Segundo informou o 112 Galicia, a central de emerxencias recibiu un aviso de que se estaba produciento este incendio pouco antes das 09.00 horas.
Ao parecer, os ocupantes atopábanse xa evacuando a vivenda e mesmo tentaron sufocar o lume cunha mangueira, aínda que unha habitación situada no piso superior terminou completamente calcinada.
Ata o lugar desprazáronse Bombeiros de Vigo, Policía Local e Policía Nacional, así como profesionais do Servizo de Urxencias Sanitarias de Galicia-061, que trasladaron a unha persoa que sufrira queimaduras leves na cara.
