Catro persoas resultaron feridas de diversa consideración nun accidente de tráfico rexistrado na tarde deste martes no municipio de Tomiño (Pontevedra), segundo informou o CIAE 112 Galicia. O sinistro, unha colisión frontal entre dous turismos, produciuse pasadas as 16,30 horas na PO-552, á altura do punto quilométrico 67. Un particular alertou a Emerxencias de que se produciu o accidente e que dúas persoas, ocupantes dun dos vehículos, non eran capaces de saír por si mesmas do coche.
Os xestores do 112 deron aviso a Urxencias Sanitarias-061, aos bombeiros do Porriño, ao GES da Guarda, á Garda Civil de Tráfico, Policía Local e Protección Civil de Tomiño, así como os servizos de mantemento da estrada. Tamén deron aviso aos bombeiros de Vigo por se fose necesaria a súa intervención. Unha vez no lugar, os efectivos de Bombeiros do Porriño tiveron que utilizar os seus equipos de excarceración para liberar a dúas dos ocupantes dun coche, que logo foron trasladados.
