InicioSociedadeA menorquina Tita Lloréns conquista o 'Gran Rande', 54 quilómetros a nado...

A menorquina Tita Lloréns conquista o ‘Gran Rande’, 54 quilómetros a nado entre San Simón e Cíes

No regreso a San Simón, tivo que ser atendida polo equipo médico por molestias nas pernas, pero continuou, no que foi o momento máis crítico en 'O Gran Rande'. Pero coa corrente a favor empuxándoa ata Cangas aos poucos foi recuperando o ritmo e a confianza.

PUBLICADO O

- Advertisement -

A nadadora menorquina Tita Lloréns logrou conquistar, no seu terceiro intento, ‘O Gran Rande’, 54 quilómetros de travesía a nado entre a illa de San Simón e as Illas Cíes e regreso á illa de San Simón en 17 horas e 17 minutos, segundo un comunicado feito público este martes pola organización.

Durante a travesía desde Cíes, Llorens, de 53 anos, tivo que ser asistida polos servizos médicos por molestias en ambas as pernas, pero na revisión médica realizada ao finalizar a proba só puideron apreciar na nadadora lixeiros síntomas de frío, a pesar de nadar sen neopreno no mar a unha temperatura media de 16 graos.

Tras dous intentos frustrados por complicacións meteorolóxicas, este luns o parte era favorable, só coa néboa como principal complicación. Tita Llorens lanzouse á auga ás 5,00 horas da mañá cun primeiro tramo moi cómodo, chegando a Cíes ás 13.00 horas.

No regreso a San Simón, tivo que ser atendida polo equipo médico por molestias nas pernas, pero continuou, no que foi o momento máis crítico en ‘O Gran Rande’. Pero coa corrente a favor empuxándoa ata Cangas aos poucos foi recuperando o ritmo e a confianza.

Tras o paso polo avituallamento no quilómetro 37, Llorens convidou á súa habitual compañeira de nado Sofía a que lle acompañase nadando no paso por baixo da ponte de Rande. Cando chegou a terra os barcos de Cobres e Cesantes acompañaron a súa chegada coas súas bucinas.

Así, Tita LLorens inscribe o seu nome como primeira deportista en conquistar ‘O Gran Rande’. “Estamos todos moi contentos. A volta custoume moitísimo, porque as pernas me doían moito e case non podía usalas, e tardei moito máis por iso, porque tiraba de brazos. Pero conseguino, a miña cabeza funcionou como tiña que funcionar e entre todos conseguimos algo grande”, celebrou Llorens tras lograr o reto.

ÚLTIMAS

Casco Vello de Vigo aproba o seu plan ata 2030, con 25 inmobles de actuación prioritaria e un investimento de 15 millóns

O Consorcio Casco Vello de Vigo aprobou este xoves o seu plan de actuación 2026-2030,...

Comeza en Vigo a montaxe da árbore de Nadal “máis importante do planeta”

O alcalde de Vigo, Abel Caballero, visitou este xoves o inicio da montaxe do que...

Sanidade contrario a un radiólogo de garda en Vigo: “Imposibilitaría o desenvolvemento normal do servizo”

A Xerencia da área Sanitaria de Vigo asegurou que establecer un terceiro radiólogo de...

Choque entre Caballero e a Xunta pola auga de Vigo: “Só temos para 100 días”

O alcalde de Vigo, Abel Caballero, acusou á Xunta de Galicia de restar importancia á...