Coa nova mellora do Sendeiro dos Pescadores, o Concello de Arbo ofrece aos turistas e os amantes do sendeirismo unha ruta cun importante patrimonio artístico e cultural e arredor de pura natureza.

As actuacións consistiron na instalacións de paneis, infraestruturas de madeira, sinalización do camiño mediante balizas e postes direccionais de madeira, e marcas de pintura e traballos de adecuación do sendeiro como son a roza e creación de nova caixa no camiño.

No Concello de Arbo, segundo informou o Alcalde Horacio Gil, “atópanse varios elementos patrimoniais de interese por toda a súa xeografía e na actualidade temos unha boa oferta turística de cara a tempada estival xa que contamos con varias praias fluviais no Miño e no Deva”.

Así mesmo, tamén contan con varios paneis interpretativos de actuacións pasadas acerca da pesca tradicional da lamprea e outras actividades ligadas aos estilos de vida típicos do lugar.

A habilitación deste sendeiro de ribeira e a súa conexión contribuirá a desestacionalizacion da oferta e reforzará os recursos interpretativos cos que conta o Concello. O rexedor segue informando que nos últimos anos Arbo está a ter unha maior afluencia de visitantes.