InicioEconomíaCIG levantará un monumento no barrio vigués de Coia para conmemorar o...

CIG levantará un monumento no barrio vigués de Coia para conmemorar o 50 aniversario das loitas obreiras do 72

Celebrarán actos e mobilizacións que se desenvolverán na cidade baixo a lema 'Somos Clase. Somos Nación. A loita continúa'.

PUBLICADO O

A Central Intersindical Galega (CIG) levantará un monumento en Vigo, que se instalará no barrio de Coia, para conmemorar o 50 aniversario das loitas obreiras de 1972, segundo anunciou este luns o secretario xeral da organización sindical, Paulo Carril, e o secretario comarcal da cidade olívica, Alberto Gonçalves, en rolda de prensa.

Ambas compareceron este luns ante os medios de comunicación para dar a coñecer os actos e as mobilizacións que se desenvolverán na cidade baixo a lema ‘Somos Clase. Somos Nación. A loita continúa’, destacando a instalación dunha escultura no barrio de Coia en recordo das protestas de setembro na cidade, así como a celebración dunha gran manifestación nacional.

Carril explicou que a CIG comezou a semana pasada os actos conmemorativos dos 50 anos das loitas de 1972, “sobre a base de que a historia contemporánea do movemento obreiro galego está construída a partir destas mobilizacións, primeiro en Ferrol, o 10 de marzo, e despois en Vigo, en setembro“.

Por iso, segundo recolle nun comunicado, a CIG enfoca a conmemoración desas datas, “non como un exercicio de nostalxia”, senón de reivindicación para manter “vivas e vixentes” as loitas que deron orixe ao movemento obreiro galego”.

“Sobre todo nun momento como o actual no que asistimos a unha ofensiva do capital contra a clase traballadora e contra o futuro do país”, reivindicou o líder sindical. Neste sentido, criticou que a nova reforma laboral non supón unha derrogación das medidas tomadas polo PP na mesma liña, e “non recupera nin recolle novos dereitos”.

ACTOS

Entre os actos que a CIG ten programados con motivo do 50 aniversario das loitas obreiras atópanse a proxección do traballo audiovisual ‘A semente de 1972’, a edición dun libro e unha gran mobilización en Vigo no mes de setembro.

Isto súmase á estatua do escultor Javier Diéguez Mosquera, membro da Asociación de Canteiros de Galicia, que instalará no barrio de Coia e está formada por catro pedras de entre 2,3 e 1,2 metros de longo. A idea é poder inaugurala tamén en setembro.

Pola súa banda, Gonçalvez puxo o foco na proxección do traballo audiovisual, que terá lugar en distintos centros educativos da comarca e en sedes de asociacións veciñais e colectivos culturais. “É necesario coñecer o que representa 1972 para a memoria colectiva, non só da clase obreira, senón tamén de Vigo, por moito que se queira silenciar, porque ese ano é historia viva da nosa cidade, e como tal temos que reivindicalo”, engadiu.

ÚLTIMAS

Buscan un home que convivía cunha muller nunha pensión da rúa Fragoso pola súa posible relación co crime da maleta

A Policía Nacional busca a un home que conviviu cunha muller nun piso de aluguer por...

BNG de Vigo denuncia que o goberno loca tramita “ás agachadas” o reequilibrio da concesión de bus

O grupo municipal do BNG no Concello de Vigo denunciou este mércores que o...

Descargan en Vigo os 200 quilos de coca do veleiro ‘Asshashio’ abordado no Atlántico

Funcionarios de Vixilancia Aduaneira, Garda Civil e Policía Nacional procederon este mércores á descarga dos 8 fardos,...

O CSIC inicia en Vigo unha investigación sobre o estado dos cabaliños de mar no litoral español

O Consello Superior de Investigacións Científicas (CSIC), a través do Instituto de Investigacións Mariñas...