Axentes da Policía Nacional da Comisaría de Vigo-Redondela evitaron que un home se lanzase ao baleiro desde o balcón do último piso dun edificio da cidade. Os feitos ocorreron na madrugada do pasado luns, cando o 091 recibiu unha chamada dunha veciña da rúa Torrecedeira que alertaba da presenza dun home na terraza dun inmoble e que ameazaba con tirarse.

Á súa chegada, os axentes localizaron ao individuo empolicado nun dos balcóns do último piso mentres falaba por teléfono, e iniciaron un intento de conversación para tranquilizalo. Dado que o home reiteraba a súa intención de precipitarse, os policías acordoaron a zona e accederon á terraza a través dun balcón contiguo.

Durante aproximadamente media hora trataron de acougalo, pero o individuo non cesou nas súas ameazas e mesmo chegou a subirse a unha estrutura metálica situada no bordo da terraza. Nun momento dado perdeu o equilibrio, instante que os axentes aproveitaron para suxeitalo polos pés e polo a salvo. Posteriormente, o home foi atendido polos servizos sanitarios do 061 e trasladado ao hospital.