InicioPolíticaAbel Caballero, "disposto" a reunirse con Feijóo se non volve tomar "...

Abel Caballero, “disposto” a reunirse con Feijóo se non volve tomar ” o pelo” a Vigo

O alcalde lembrou que xa se reuniu con Feijóo en 2015. "Enganoume, díxome que se crearía a área Metropolitana, fomos acordando cousas, e logo fixo todo o contrario do que dixo", lamentou.

PUBLICADO O

- Advertisement -

O alcalde de Vigo, Abel Caballero, mostrouse este martes “disposto” a manter unha reunión co presidente da Xunta, Alberto Núñez Feijóo, se este “dá mostras de que vai en serio” e non volve tomar ” o pelo” á cidade.

Así o trasladou nunha rolda de prensa a preguntas dos medios sobre a conveniencia de manter un encontro co titular do Executivo galego, en vista das numerosas frontes de polémica abertos entre o goberno municipal vigués e a Xunta de Galicia.

En resposta a esta cuestión, o alcalde lembrou que xa se reuniu con Feijóo en 2015. “Enganoume, díxome que se crearía a área Metropolitana, fomos acordando cousas, e logo fixo todo o contrario do que dixo”, lamentou.

Por iso, afirmou que, antes de volver verse co presidente galego, esíxelle “que previamente tome decisións”, como retirar o recurso contra a constitución da área Metropolitana (a Xunta denunciou que se constituíu sen que o Concello cumprise o requisito de adherirse ao transporte metropolitano), ou pór en marcha un bus ao aeroporto de Peinador pago pola Xunta, “como en Santiago”.

Con todo, o rexedor aventurou que “Feijóo non vai facer nada en favor da cidade” e puxo como exemplo as declaracións do titular da Xunta de hai unhas semanas, “cando lle dixo á ministra de Transportes que non fixese a autovía Vigo-O Porriño en túnel” en “ton despectivo e ferinte”; ou cando “foi a seca, que ía polas televisións de España dicindo que a auga de Vigo era mala”; ou “cando di que as luces (de Nadal) doutras cidades son mellores”.

“Se Feijóo atende a Vigo eu póñolle a alfombra vermella. Eu estou disposto a reunirme con el se dá mostras de que vai en serio, que non vai volver a tomarnos o pelo”, resolveu.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...