O portavoz do goberno municipal de Vigo, Carlos López Font, manifestou que a situación da Atención Primaria en Vigo é “gravísima” e “absolutamente intolerable”.

Nun comunicado, afirma que a Xunta non contratou profesionais de sanidade “co diñeiro que recibiu do Goberno de España precisamente para facelo”, algo que tachou de “absolutamente indecente” xa que “fan caixa coa saúde e están a xogar coa vida da xente”.

O portavoz do goberno municipal de Vigo manifesta que a situación é “tan grave” que o conselleiro de Sanidade “deu instrucións” de que os centros de saúde atendan só urxencias Covid, “desatendendo ao resto da poboación”, critica.

Despois de que profesionalistas sanitarios descartasen seguir esta instrución, Font destacou a súa “profesionalidade” e agradeceu o seu “compromiso”, á vez que esixiu explicacións “inmediatas” ao conselleiro sobre a situación en Atención Primaria.