InicioCondado-ParadantaA CañizaSanidade convoca agora 14 prazas para cubrir as vacantes que quedaron no...

Sanidade convoca agora 14 prazas para cubrir as vacantes que quedaron no 2018

Quedaron libres cando dimitiron en bloque máis dunha vintena de xefes de servizo.

PUBLICADO O

O Diario Oficial de Galicia (DOG) publica este xoves as resolucións da xerencia da área sanitaria de Vigo polas que se anuncian as convocatorias públicas para a provisión de postos de 7 xefes de servizo de Atención Primaria, outros 7 xefes de unidade e dúas prazas de coordinador/a de Enfermaría.

Con estas convocatorias avánzase no proceso para cubrir as vacantes que quedaron cando, a finais de 2018, dimitiron en bloque máis dunha vintena de xefes de servizo e de unidade da área sanitaria viguesa para denunciar a deterioración da Atención Primaria e reclamar máis medios.

Das prazas que quedaron baleiras, ata agora cubríronse 10: Lavadores, Casco vello, Beiramar, Teis, Rosalía de Castro, Sárdoma e López Moura en Vigo; e as da Cañiza, Ponteareas e Cangas.

Coas convocatorias publicadas polo DOG este xoves, preténdese cubrir as xefaturas de servizo de tres centros de saúde da cidade olívica (Matamá, A Dobrada e Pintor Colmeiro); e dos centros de saúde do Porriño, Tui, Val Miñor e Moaña.

Así mesmo, convocáronse outras sete xefaturas de Unidade para os centros de saúde de Taboada Leal (Vigo), Salceda, Mos, Chapela, As Neves, Panxón (Nigrán) e Salvaterra; e dúas prazas de Coordinación de Enfermaría para os centros do Porriño e Teis.

ÚLTIMAS

Retencións de varios quilómetros na AP-9 ao seu paso por Vigo tras producirse un accidente e unha picada de roda

Un accidente entre un camión e un coche e unha picada de roda doutro...

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

Ferida unha persoa tras ser atropelada en Vigo

Unha persoa resultou ferida na mañá deste martes tras ser atropelada por un vehículo...

Os 15 pediatras que obtiveron praza por concurso de méritos na área de Vigo teñen ata o 18 de abril para incorporarse

O Diario Oficial de Galicia (DOG) publicou recentemente dúas resolucións que adxudicaron a 70...