InicioSociedadeModificado o proxecto do carril bici que discorrerá como paseo pola avenida...

Modificado o proxecto do carril bici que discorrerá como paseo pola avenida de Europa

O alcalde de Vigo, Abel Caballero, precisou que se prevé a construción dun gran paseo de sete metros de ancho con espazo para a circulación de persoas e bicicletas na avenida de Europa, entre a zona de Samil e a rúa Tomás Paredes.

PUBLICADO O

O goberno local de Vigo aprobou un modificado do proxecto do carril bici, que no tramo da avenida de Europa discorrerá por un gran paseo que se construirá na zona.

Diso deu conta este xoves o alcalde, Abel Caballero, nunha rolda de prensa realizada de modo telemático na que apuntou que esta modificación incrementará o custo inicial do proxecto, que ascendía a 500.000 euros, en 196.000 euros.

Neste sentido, precisou que se prevé a construción dun gran paseo de sete metros de ancho con espazo para a circulación de persoas e bicicletas na avenida de Europa, entre a zona de Samil e a rúa Tomás Paredes. Ademais, mellorarase a conexión do carril bici coa Vía Verde na rúa Mestre Chané, pola que continuará ata a avenida Buenos Aires. Así, o rexedor explicou que esta actuación busca mellorar o trazado da vía e “dar seguridade tanto a ciclistas como a peóns”.

Así mesmo, o alcalde indicou que se deu luz verde en xunta de goberno á renovación do saneamento da rúa Jacinto Benavente, onde se rexistran inundacións en períodos chuviosos. O orzamento dos traballos ascende a uns 370.000 euros e, o seu período de execución, a seis meses.

Así, anularase o treito final do colector que discorre baixo o Instituto Politécnico Marítimo Pesqueiro do Atlántico e que, segundo o rexedor, dificultaba os labores de mantemento da rede de saneamento.

PLAN CONTRA INCENDIOS

Adicionalmente, Abel Caballero sinalou que se avalou de modo definitivo o Plan municipal de prevención e defensa contra os lumes forestais, que incorpora as parcelas que delimitan a rede secundaria de xestión da biomasa.

O alcalde indicou que estas 29.971 leiras deberán estar libres de maleza, así como que a limpeza debe ser asumida polos seus propietarios. Neste sentido, o Concello comezou a revisar o seu estado.

Nesta liña, o rexedor avanzou que os servizos municipais realizarán a limpeza das parcelas que non se atopen libres de maleza, uns traballos nos que o Concello prevé que investir uns 300.000 euros anuais e cuxo custo se cobrará aos propietarios.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...