Este sábado 24 de novembro chegou a data coa que simbolicamente comeza o Nadal en Vigo. O alcalde, Abel Caballero, ofreceu un discurso previo ao encendido das luces, cun espectáculo multitudinario de luz, cor e son, que incluíu ata fogos de artificio.
“Estamos aquí, na porta do Sol, para acender as luces de Nadal, desta gran cidade que quere facer desta festa de Nadal unha festa para todos e todas, de mesturar a modernidade e a tradición. E a como celebramos o Nadal engadirlle luces, cor, música e festa”, narraba o alcalde.
Neste primeiro vídeo, podemos ver de novo a conta atrás trala que se encenderon tódalas luces de Nadal da cidade.
“E nesta cidade, con investigación, con I+D, con coñecemento e con laboriosidade, tamén queremos incorporar o Nadal como unha grande festa de Vigo. Por eso, benvidas e benvidos todos”, engadiu o rexedor.
“Quero saludar a tantas e tantos, de tantos lugares de toda Galicia. De Ourense, de Lugo, de Coruña… Benvidos a Vigo! E os que de tantos lugares de España estades aquí”, engadiu, posto que se achegaron persoas incluso de fóra de Galicia para desfrutar do espectáculo.
