InicioDeportesLuis Enrique recoñece publicamente que non convocar a Aspas foi un erro

Luis Enrique recoñece publicamente que non convocar a Aspas foi un erro

PUBLICADO O

O seleccionador do equipo español de fútbol, Luis Enrique, vén de recoñecer que foi un erro non convocar a Iago Aspas. A pesar de quedar fóra da súa lista, a baixa de Diego Costa por unha causa tan xustificada como converterse en pai, supuxo unha nova oportunidade para o dianteiro moañés. Máis aínda cando para sorpresa de todos foi titular, xogando ata o 68′. España gañaba dous a un a Inglaterra, os “inventores” do fútbol.

Aspas non foi o xogador máis destacado do encontro, mais ofreceu, coma case sempre, todas as súas virtudes, ou polo menos a visión para o xogo asociativo e o traballo defensivo e de recuperación do balón. O gol, desta vez esquivo para o príncipe das bateas, serviu para reivindicar a dous xogadores tan pouco empregados no mundial como Saúl e Rodrigo.

O adestrador asturiano, á espera de ver como se desenvolven os seus este martes contra a poderosa Croacia de Modric e Rakitic, fixo gala dunha das tarefas máis necesarias para un líder, a de rectificar cando un se equivoca.

Iago Aspas/ Liga Santander

Así, en rolda de prensa recoñeceu que “un faise unha idea do que espera e logo nos adestramentos descobres como traballan e recoñeces o teu erro e tratas de arranxalo. (Iago Aspas) víase con actitude e pensei que era un partido perfecto para el. Estou aberto a que me sigan sorprendendo os xogadores. O beneficio do equipo está por encima do que pense o adestrador”.

As sensacións son positivas para o combinado nacional, e máis tras coñecer tanto a boa disposición do equipo como a capacidade autocrítica de quen leva o mando. Esta nave pode chegar a bo porto.

Balcon decoradodo
Aspas no Balcon Aspas na seleccion /Miguel Nuñez

ÚLTIMAS

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...

Policías nacionais denuncian falta de efectivos no Nadal e piden unha vía de emerxencias libre de tráfico

Os sindicatos da Policía Nacional CEP e Jupol denunciaron este xoves falta de axentes na cidade de Vigo para...

Excarceran unha condutora tras saír da vía en Mos

A condutora dun turismo resultou ferida e tivo que ser excarcerada tras saírse da...