InicioSociedadeCiencia concede á UVigo máis dun millón de euros para pór en...

Ciencia concede á UVigo máis dun millón de euros para pór en marcha nove proxectos de Proba de Concepto

Tocan temas como o transporte, a enerxía, a sustentabilidade ou ferramentas aplicadas á medicina ou á saúde.

PUBLICADO O

- Advertisement -

A Axencia Estatal de Investigación, dependente do Ministerio de Ciencia e Innovación, concedeu á Universidade de Vigo (UVigo) algo máis dun millón de euros para a posta en marcha de nove proxectos de Proba de Concepto.

Tal como recolle o Diario da Universidade de Vigo (DUVI), trátase de traballos dirixidos a acelerar a transferencia de coñecemento e os resultados xerados en proxectos de investigación básica, en progreso ou recentemente finalizados dentro do Plan Estatal de Investigación.

En concreto, son 400.000 euros máis que na anterior convocatoria, na que se conseguiron uns 681.000 euros destinados á realización de dez iniciativas. Nesta ocasión, o monte a repartir era de 40 millóns, financiados con fondos Next Generation UE, e máis de 80 organismos de todas as comunidades beneficiáronse, entre eles a UVigo.

Así, ao centro universitario olívico concedéronselle nove das 17 solicitudes presentadas, o que supón máis dun 50 % de éxito.

“A Universidade de Vigo xa tiña unha forte traxectoria en transferencia do coñecemento e isto maniféstase no éxito conseguido, tanto nesta como na pasada convocatoria”, reivindicou a vicerreitora de Investigación, Transferencia e Innovación, Belén Rubio.

Ela subliñou que máis do 75 % do financiamento conseguido corresponde a centros como Cintecx e atlanTTic, nos que predomina a transferencia como un efecto tractor no motor económico industrial para Galicia, con temáticas diversas que afectan o transporte, a enerxía, a sustentabilidade ou as ferramentas aplicadas á medicina ou á saúde.

“Case o 25 % restante corresponde a proxectos no marco do recentemente creado Instituto de Agroecoloxía e Alimentación, de cara á transición de sistemas agroalimentarios máis resilientes, sustentables, seguros e circulares”, engadiu Rubio.

ÚLTIMAS

Rueda e Caballero dan pasos para desbloquear a ETEA, as pistas de atletismo ou o túnel de Beiramar

A Xunta de Galicia e o Concello de Vigo acordaron este martes dar os pasos necesarios para desbloquear...

Anuncian folga indefinida de ambulancias en Vigo, Cangas e Moaña, e alertan dun “colapso” do servizo

Os sindicatos CIG, CC.OO., e USO anunciaron a convocatoria de folga indefinida, na tempada...

BNG esixe a Abel Caballero que faga fronte o “grave problema de vivenda” coa moción aprobada en marzo

O grupo municipal do BNG no Concello de Vigo esixiu este martes ao alcalde,...

Concentración de traballadores de Correos en Vigo para denunciar o déficit de persoal

Delegados sindicais concentráronse este martes en Vigo para denunciar o déficit de persoal en...