InicioSociedadeUn proxecto vigués de xeración de vínculos, premio Fundación "La Caixa" Innovación...

Un proxecto vigués de xeración de vínculos, premio Fundación “La Caixa” Innovación Social 2022

O xurado recoñeceu o potencial do proxecto que, máis aló de promover a intervención laboral, amplía a mirada a nivel comunitario tentando modificar estruturas sociais.

PUBLICADO O

- Advertisement -

O proxecto ‘Participa: programa para a xeración de vínculos e inclusión social en contornas comunitarias’, promovido por Emaús Fundación Social, foi un do dez gañadores dos Premios Fundación “La Caixa” á Innovación Social 2022.

A iniciativa viguesa galardoada ten como obxectivo o acompañamento a persoas en situación de exclusión mediante unha metodoloxía de encontros improbables que fomenta a creación de espazos sociais, culturais e deportivos entre persoas con situacións e percorridos vitais diferentes que non coincidirían de forma natural.

O xurado recoñeceu o potencial do proxecto que, máis aló de promover a intervención laboral, amplía a mirada a nivel comunitario tentando modificar estruturas sociais que xeran desigualdade, así como promocionar o sentimento de pertenza e cohesión social.

“Gústanos falar de barrios coidados e que nos coidan, e este concepto do autocuidado e do coidado mutuo é esencial para nós”, declarou Juncal Blanco, responsable dun proxecto que implicou a 52 colectivos e comercios.

A cerimonia de entrega dos premios, celebrada en CaixaForum Madrid, foi presidida polo secretario de Estado de Dereitos Sociais, Nacho Álvarez; o director xeral da Fundación “La Caixa”, Antonio Vila Bertrán; e o subdirector xeral da Fundación “La Caixa”, Marc Simón.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...