InicioMedio Ambiente e PatrimonioEliminan un punto de augas residuais urbanas ao río Lagares no concello...

Eliminan un punto de augas residuais urbanas ao río Lagares no concello de Vigo

A orixe estaba nunha deficiencia na rede de saneamento municipal que avanzaba pola rúa Baixada a Pontenova, que ocasionaba filtracións de augas residuais urbanas cara ao curso fluvial a través do propio muro de unión do río.

PUBLICADO O

A Xunta comunicou que foi eliminado un punto de vertedura de augas residuais urbanas cara ao río Lagares, no concello de Vigo.

Segundo sinalou, as actuacións iniciáronse no transcurso da inspección levada a cabo por parte dos técnicos do Plan de Control de Verteduras, dependentes de Augas de Galicia, tras a notificación desde o 112 dunha vertedura na parroquia de San Tomé do Freixeiro que afectaba o río.

Así, os técnicos desprazados á zona localizaron a orixe da afección denunciada nunha deficiencia na rede de saneamento municipal que avanzaba pola rúa Baixada a Pontenova, que ocasionaba filtracións de augas residuais urbanas cara ao curso fluvial a través do propio muro de unión do río.

Ante esta situación, Augas de Galicia notificoulle a situación ao Concello de Vigo para que procedese a adoptar as medidas necesarias para emendar a contaminación.

Posteriormente, nunha nova inspección á zona, os técnicos da administración autonómica corroboraron a reparación da infraestrutura de saneamento municipal, polo que se emendou así a vertedura en condicións inadecuadas cara ao dominio público hidráulico.

ÚLTIMAS

Gonzalo Caballero proposto polo PSOE de Vigo como candidato galego ás europeas

A asemblea do Partido Socialista de Vigo propuxo ao que fora secretario xeral do PSdeG, Gonzalo Caballero,...

Claudio Giráldez renova como adestrador do Celta ata xuño de 2025

O adestrador galego Claudio Giráldez renovou este xoves o seu contrato como técnico do RC...

Atraso de 40 minutos na liña A Coruña-Vigo por un conato de incendio nun coche do tren

Un conato de incendio declarado entre dous coches dun tren que cobre a liña...

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...