InicioSociedadeAbel Caballero di que é o Porto de Vigo o que "ten...

Abel Caballero di que é o Porto de Vigo o que “ten que buscar solucións e resolver” o problema de botellóns

A pesar de todo, indicou que a concelleira de Seguridade está disposta a reunirse co presidente do Porto, Jesús Vázquez Alñuiña, para tratar este tema.

PUBLICADO O

O alcalde de Vigo, Abel Caballero, asegurou este xoves que é o Porto olívico o que “ten que buscar solucións e resolver” o problema dos botellóns na zona portuaria.

Preguntado na súa rolda de prensa diaria, Caballero indicou que é a Autoridade Portuaria a que ten que “garantir a situación” e é o propio persoal do Porto o que ten que encargase. Caballero subliñou que a Policía Local actúa nos botellóns se hai algún problema de seguridade cidadá, pero é o porto o que ten que buscar solucións ao tema dos botellóns.

O rexedor olívico lembrou que era o Concello o encargado de limpar as zonas polas noites ata que o Porto “rompeu” o convenio ‘Abrir Vigo ao mar’. Esta circunstancia ocorreu tras o accidente de O Marisquiño 2018, cando o Porto asegurou que este convenio obrigaba ao goberno local a encargarse do mantemento desas zonas. A xustiza deulle a razón e o Porto terminou por acabar con ese documento ao entender que o Concello o “incumpriu”. A pesar de todo, Caballero indicou que a concelleira de Seguridade está disposta a reunirse co presidente do Porto, Jesús Vázquez Alñuiña, para tratar este tema.

Isto ocorre un día despois de que precisamente Vázquez Almuiña mostrase a súa preocupación polos macrobotellóns que cada fin de semana levan a cabo na zona portuaria, lembrando que a seguridade cidadá é competencia municipal.

Así, propuxo a celebración este venres dunha reunión de coordinación coa Policía Local, a Policía Nacional, a Policía Autonómica e a propia Autoridade Portuaria para adoptar medidas preventivas ante esta situación.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...