O Hospital Vithas Nosa Señora de Fátima de Vigo é o centro sanitario privado “máis recoñecido” da provincia de Pontevedra, segundo un estudo realizado pola compañía GFK no que participaron 1.500 persoas que usaron no último ano servizos médico-asistenciais privados.
A enquisa de GFK apunta que o hospital vigués conta, entre os privados, “cunha notoriedade total do 87 por cento”. Pola súa banda, o Centro Médico Vithas Pontevedra ten “unha notoriedade total dun 42 por cento”, o que lle sitúa no sexto lugar do oito centros da provincia analizados.
Segundo o estudo, os entrevistados sinalaron como características principais do servizo sanitario privado “a orde, profesionalidade, proximidade, boa e rápida atención ao paciente”. O xerente de Vithas Vigo e Pontevedra, Ciro Cabezas, destacou que os resultados son “un orgullo e un recoñecemento ao traballo das máis de 4.000 persoas que traballan no hospital”.
Cabezas explicou que tanto a nivel asistencial, como non asistencial, “traballaron en moitas liñas paralelas e con todos os departamentos do hospital para lograr estes resultados”. Ademais, mencionou “o importante esforzo investidor”, recordadando a recente remodelación das Urxencias do hospital de Vigo.
