InicioMedio Ambiente e PatrimonioIncautados en Oia 60 quilos de centollas, en veda nesta época do...

Incautados en Oia 60 quilos de centollas, en veda nesta época do ano

PUBLICADO O

A Policía Autonómica incautou o pasado mércores 60 quilos de centolla no municipio pontevedrés de Oia, no marco dun operativo de loita contra o furtivismo desenvolvido por membros do Equipo de Actividades Subacuáticas do Grupo Erpol do devandito corpo policial, en colaboración coa Subdirección Xeral de Gardacostas.

Tal como explicou a Xunta nun comunicado, tras levar a cabo unha inmersión na zona do embarcadoiro de Oia, localizáronse dúas gaiolas metálicas de grandes dimensións depositadas no fondo mariño, a uns catro metros de profundidade para dificultar a súa detección.

No seu interior atopábanse 57 centollas vivas, moitas delas femias en época de cría, a pesar de que se trata dunha especie que na actualidade está en veda. Por iso, o marisco incautado foi liberado e devolto ao mar.

“O operativo xurdiu no marco de inspeccións aleatorias por distintos lugares da costa galega, ante a posible existencia de fondeos ilegais de marisco no leito mariño“, indica o Executivo autonómico.

ÚLTIMAS

Rueda reivindica a Arribada de Baiona para a desestacionalización do turismo en Galicia

O presidente da Xunta en funcións, Alfonso Rueda, destacou este venres a importancia de...

Miguel Martín asume a portavocía do grupo municipal do PP en Vigo, tras a saída de Fernández-Tapias

O grupo municipal do PP no Concello de Vigo designou a Miguel Martín como...

Máis de 30 marcas de coches reuniranse na 33ª edición do Salón do Automóbil, que arrinca o mércores

Máis de 30 marcas de coches e 15 de motocicletas reuniranse na 33ª edición...

Decretado o ingreso en prisión do home detido pola súa suposta vinculación co crime da maleta

O maxistrado do xulgado de instrución número 4 de Vigo acordou este venres o...