InicioSucesosPiden 25 anos de cárcere para un acusado de abusar sexualmente dunha...

Piden 25 anos de cárcere para un acusado de abusar sexualmente dunha persoa con discapacidade en Cangas

O home abusou varias veces da muller.

PUBLICADO O

- Advertisement -

A Sección 4 da Audiencia Provincial de Pontevedra celebrará o vindeiro xoves, día 15 de setembro, un xuízo contra un acusado de abusar sexualmente dunha persoa con discapacidade na localidade pontevedresa de Cangas, para o que Fiscalía solicita ata 25 anos de cárcere.

Tal como recolle no seu escrito o Ministerio Fiscal, os feitos polos que se lle acusan ocorrerían entre os anos 2015 e 2019, cando o home abusaría sexualmente da noiva do seu fillo, que padece un atraso mental moderado e un trastorno xeneralizado do desenvolvemento.

O primeiro abuso levouse a cabo en outubro de 2015, cando o home aproveitou que se atopaba a soas coa muller para bicala, espila e penetrala vaginalmente, momento no cal a vítima solicitou que parase debido á dor que sentía, xa que nunca mantivera relacións sexuais.

Esta situación repetiuse en varias ocasións os anos seguintes, sempre segundo o escrito de Fiscalía, relatando un suceso similar en abril de 2019, polo que ao seu xuízo son constitutivos de dous delitos de abuso sexual con acceso carnal sobre persoa con discapacidade e un delito continuado de abuso sexual con acceso carnal sobre persoa con discapacidade.

Por iso, solicítanse ata 25 anos de prisión e unha orde de afastamento da vítima durante 25 anos, ademais de liberdade vixiada por tempo de 9 anos que lle prohiba acudir a eventos ou acontecementos públicos destinados a menores de idade, entre outras restricións. Ademais, pídese que o acusado pague 25.000 euros por danos morais.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...