InicioSucesosDetido con 60 quilos de haxix no maleteiro do coche no Porriño

Detido con 60 quilos de haxix no maleteiro do coche no Porriño

O home viña de Andalucía e se dirixía a Vigo.

PUBLICADO O

- Advertisement -

Axentes da Policía Nacional de Vigo detiveron a un home acusado dun delito de tráfico de drogas, despois de sorprendelo cando tentaba introducir en Galicia 60 quilos de haxix ocultos no dobre fondo do maleteiro dun vehículo de alta gama.

Grazas a unha investigación que se remonta meses atrás, os policías tiveron noticias dun vehículo que podería estar implicado no transporte e repartición do haxix, e que ía subir cargado desde o sur de España.

O día 22 de agosto, o vehículo, de alta gama, foi interceptado na localidade pontevedresa do Porriño. Ao abrir o maleteiro, os investigadores puideron observar que, nun lateral, nun dos ocos da chapa e a primeira ollada, había tres bolsas con paquetes de haxix. Tras rexistrar o coche comprobouse que o fondo do maleteiro estaba claramente modificado, posiblemente para ocultar máis mercadoría.

Inmediatamente procedeuse á detención do condutor por un delito de tráfico de drogas. Xa en dependencias policiais, tras un rexistro pormenorizado do vehículo, descubriuse un espazo oculto baixo o chan do maleteiro, dotado dun complicado sistema hidráulico de apertura.

Os axentes tiveron que empregar medios técnicos para proceder á apertura do sistema, descubrindo no interior un total de 611 tabletas de haxix de gran calidade, cun peso de 60 quilos. O detido, que viaxaba só desde Andalucía, foi posto a disposición do Xulgado de Instrución número uno do Porriño, quen decretou o seu ingreso en prisión.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...