InicioVigo e contornaVigoA policía portuguesa chega a Vigo e Redondela

A policía portuguesa chega a Vigo e Redondela

Unha parella de gardas lusos patrullarán as cidades como parte dun convenio internacional.

PUBLICADO O

- Advertisement -

Axentes da Policía Nacional patrullan as rúas de Vigo e Redondela xunto con dous membros da Policía de Seguridade Pública (PSP) de Portugal, da localidade de Viana do Castelo, co obxectivo de incrementar a atención aos cidadáns e turistas estranxeiros.

É unha iniciativa enmarcada no proxecto ‘Comisarías Europeas’, un proceso de colaboración internacional iniciado en 2008 no que, como en ocasións anteriores, efectivos estranxeiros son destinados a zonas de gran afluencia de visitantes durante diferentes intervalos de tempo.

De feito, os dous axentes incorporados en Vigo e Redondela non son os únicos que o farán durante o verán. Está previsto que policías franceses, alemáns, italianos, portugueses e neerlandeses se incorporen paulatinamente en localidades como Benidorm, Estepona, Gandía, Granada, Málaga, Marbella, Palma de Mallorca, Pamplona, Torremolinos e La Línea de la Concepción. Nestes momentos, xa o fixeron noutras localidades como Santiago de Compostela.

Proximamente, dous axentes da Policía Nacional, un deles da Comisaría de Vigo-Redondela e outro da Unidade de Estranxeiría e Documentación de Verín, desprazaranse á localidade portuguesa de Aveiro, onde en apoio e colaboración coa PSP portuguesa darán visibilidade ao proxecto europeo, atendendo a turistas españois, garantindo a seguridade durante a súa estancia no país veciño.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...