InicioPolíticaO BNG critica a venda do grupo Ribera a unha multinacional francesa...

O BNG critica a venda do grupo Ribera a unha multinacional francesa e pide á Xunta que compre Povisa

Pide ao Goberno galego que "acabe coa anomalía" que supón que case a metade da poboación da área sanitaria sexa atendida nun hospital privado.

PUBLICADO O

- Advertisement -

A portavoz de Sanidade do BNG, Montse Prado, criticou a venda do Grupo Ribera (propietario de tres hospitais galegos –Ribera Povisa, Ribera Polusa e Ribera Juan Cardona–) á multinacional francesa Vivalto Santé, polo que pediu á Xunta que compre o hospital Povisa de Vigo, que atende a máis de 130.000 pacientes da área sanitaria viguesa a través do concerto co Servizo Galego de Saúde (Sergas).

Así o sinalou Prado este xoves tras reunirse en Santiago de Compostela con representantes do comité de empresa de Povisa, onde recoñeceu que se decatou a través dos medios de comunicación de que Centene Corporation sairá do accionariado do grupo Ribera ao vender o 90% das accións da compañía ao terceiro grupo sanitario francés.

A nacionalista solicitou ao Goberno galego que “acabe coa anomalía” que supón, ao seu xuízo, que case a metade da poboación da área sanitaria de Vigo sexa atendida nun hospital privado.

Para Prado, a operación de venda “compromete un dereito irrenunciable” como é o dereito á saúde, polo que insistiu en que a Xunta adquira o hospital Povisa e o integre na rede pública sanitaria.

“O Goberno do PP, no canto de traballar para facilitar o negocio privado da sanidade, debe traballar para comprar este hospital e integralo na rede sanitaria pública para que o 100% da poboación teña atención pública sanitaria”, reivindicaron desde o Bloque.

Neste sentido, os nacionalistas lembraron que o principal activo de Povisa é o seu concerto co Sergas, polo que un 80% da súa facturación anual, que supera os 100 millóns de euros, “son con cargo aos impostos dos galegos”.

ÚLTIMAS

40 axentes homenaxean a un compañeiro da Garda Civil que estivo un ano nun hospital tras un atropelo

Preto de 40 axentes da Garda Civil e numeroso persoal do Hospital Vithas...

Juan Carlos I chega de novo a Peinador para regatear en Saxenxo

Tal e como se esperaba, o rei emérito Juan Carlos I aterrou este mércores...

O PP critica que Caballero non explicase as súas “chapuzas e irregularidades” tras un ano do concerto de Guns N’Roses

O PP de Vigo lamentou que pasase xa un ano do concerto do grupo Guns N'Roses...

Arquivan a causa contra o chofer do autobús accidentado en Cerdedo-Cotobade onde faleceu un rapaz de Nigrán en 2022

O xulgado de instrución número 1 de Pontevedra ditou o sobresemento da causa contra...