InicioEconomíaPiden a readmisión do delegado da CIG na comisión negociadora de Barreras

Piden a readmisión do delegado da CIG na comisión negociadora de Barreras

A comisión negociadora quedou emprazada para un novo encontro, que se celebrará o 15 de xuño, inicialmente por videoconferencia, aínda que os sindicatos pediron que se habilite un local para poder facer as reunións.

PUBLICADO O

- Advertisement -

A comisión negociadora do ERE de extinción para a maioría do persoal do estaleiro vigués Hijos de J. Barreras quedou constituída este martes, aínda que non se entrou na negociación do expediente.

Segundo informaron a Europa Press fontes sindicais, a reunión celebrada este martes serviu para validar a constitución desa comisión, na que haberá 12 representantes do persoal (os 9 membros do comité, máis tres delegados, un por cada sindicato), e unha representación da administración concursal.

Así mesmo, confirmouse a listaxe de 20 traballadores do estaleiro que serán subrogados e pasarán a traballar para o novo propietario da unidade produtiva, Armón.

READMISIÓN DO DELEGADO DE CIG DESPEDIDO

Neste primeiro encontro, os sindicatos solicitaron a inmediata readmisión de Rafa Pérez, delegado sindical da CIG, despedido en xullo do ano pasado tras participar nunha ocupación simbólica do estaleiro. As centrais reclamaron que este traballador, que impugnou o seu despedimento e está pendente de xuízo, volva formar parte do persoal, en igualdade de condicións cos seus compañeiros.

Por outra banda, solicitaron que, mentres dura a negociación do ERE (as partes ten un prazo dun mes, antes de comunicar ao xulgado o resultado desas negociacións), o persoal de Barreras quede fóra do actual ERTE e poida gozar das súas vacacións xeradas, sen esgotar as súas prestacións por desemprego. Así mesmo, pediron que os traballadores que están en Santander, e que xa saben que non serán subrogados e serán despedidos, poidan elixir tamén se queren consumir as súas vacacións.

A comisión negociadora quedou emprazada para un novo encontro, que se celebrará o 15 de xuño, inicialmente por videoconferencia, aínda que os sindicatos pediron que se habilite un local para poder facer as reunións.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...