InicioSociedadeUn informe apunta que o exmozo de Déborah Fernández puido "faltar á...

Un informe apunta que o exmozo de Déborah Fernández puido “faltar á verdade” ante a xuíza

Trátase dun parte elaborado por unha experta lingüista forense que detectou unha "linguaxe fraudulenta" naquelas cuestións que suscitaron máis controversia.

PUBLICADO O

- Advertisement -

A familia de Déborah Fernández Cervera presentou ante o xulgado de instrución 2 de Tui (Pontevedra) un informe pericial de parte elaborado por unha experta lingüista forense, Sheila Queralt, que apunta que o exmozo da moza e único investigado en relación á súa desaparición e morte puido “faltar á verdade” na súa declaración ante a xuíza.

Segundo explicou esta experta a Europa Press, para elaborar este tipo de informes, nesta disciplina forense analízanse diversos parámetros e aspectos da linguaxe e a produción verbal. Por exemplo, o tipo de palabras que se utilizan, como se pronuncian, como se estruturan as frases, se hai interferencias doutras linguas, as respostas a preguntas, etc.

No caso da declaración de Pablo P-S-L., estudáronse o tipo de preguntas e as respostas dadas, para analizar se aparecen “certos trazos” que, tal e como se reflectiu en estudos científicos previos, denotan que unha persoa está “a faltar á verdade”. “Nós non podemos dicir rotundamente se unha persoa está a mentir, pero si detectar eses trazos indicativos que apuntan que podería estar a faltar á verdade”, matizou.

Respecto das manifestacións do exmozo de Déborah, esta experta sinalou que a súa análise pon de manifesto a presenza deses trazos (repeticións, evasivas, uso de palabras absolutas como ‘nunca’, ‘xamais’ ou ‘ninguén’), que indicarían un “intento de ocultar a verdade”.

Eses sinais foron detectadas en aspectos concretos da súa declaración, como aqueles referidos á finalización da súa relación de parella coa vítima; na súa explicación de por que chegou tarde a un partido de fútbol o día que a moza desapareceu; ou cando é preguntado directamente se lle fixo dano a Déborah ou se a matou.

“EVASIVAS, DESPERSONALIZACIÓN E RESPOSTAS AUTOMÁTICAS”

Segundo sinalou Queralt, o investigado ten “comportamentos lingüísticos diferentes” nas súas respostas, en función do tipo de preguntas e, precisamente en cuestións como as que suscitaron máis controversia (polas supostas contradicións de Pablo), deslízase unha “linguaxe fraudulenta”.

É dicir, a preguntas sobre a súa relación coa vítima, preguntas sobre o día dos feitos, ou sobre a morte da nova, o imputado recorre a “evasivas, palabras absolutas, despersonalización e respostas en modo automático”, que indican “falta de veracidade”.

Finalmente, e tras insistir en que esta disciplina forense non pode informar de forma rotunda, se unha persoa está a mentir, Sheila Queralt matizou que, desde o seu “leal saber e entender” como perito, instou á xuíza de instrución a que “profunde na investigación” desas cuestións nas que a linguaxe de Pablo P.S-L. apunta a que “pode faltar á verdade”.

Por outra banda, o próximo 26 de maio foron citados a declarar os peritos de Lazarus Technology, que confirmaron, tras analizar o disco duro do computador de Déborah Fernández, que este fora manipulado por alguén experto, nalgún momento a partir de 2006, data na que o dispositivo foi recollido pola Policía Nacional.

ÚLTIMAS

O BNG lanza unha ofensiva para evitar a “estafa do PP” de pagar a Abanca 9,3 millóns polo Cine Fraga

O BNG lanzou unha ofensiva institucional para evitar a "estafa do PP" de pagar a Abanca...

Empregados de Benteler lamentan a “política de medo” dun superior que xera “problemas graves de saúde” a compañeiros

Traballadores da empresa auxilar do sector automobilístico Benteler criticaron a "política do medo" levada a cabo, ao...

Abel Caballero critica as palabras de José López sobre as Cíes: “Ou ten ignorancia absoluta sobre patrimonios mundiais ou mala fe”

O alcalde de Vigo, Abel Caballero, criticou este xoves as palabras do conselleiro de Cultura,...

En “breve” a Xunta, Zona Franca e Concello de Vigo asinarán o convenio para crear un parking na ETEA

A Xunta de Galicia, a Zona Franca de Vigo e o Concello asinarán "pronto"...