Un home, I.D.F. de Vigo e 39 anos de idade, foi detido na cidade tras ser interceptado mentres trataba de roubar combustible de vehículos estacionados na rúa Doutor Canoa. Segundo informou a Policía Local, os feitos ocorreron o pasado sábado sobre as 16,45 horas, cando un veciño alertou de que observara como dous homes estaban a forzar os tapóns do depósito de combustible de dous vehículos na devandita rúa.
Unha vez no lugar, os axentes localizaron a un individuo que coincidía coa descrición na rúa José María Acuña, observando que ao decatarse da presenza policial tirou un obxecto ao chan, resultando ser un desaparafusador de grandes dimensións. Outra unidade desprazouse a inspeccionar os vehículos que supostamente foran manipulados, observando que o depósito de combustible estaba aberto e con síntomas de forzamiento.
Ademais, nas proximidades localizouse o turismo do agora detido, en cuxo interior había unha garrafa disposta. Por eses motivos, procedeuse á detención do home pola suposta comisión dun delito de roubo en grao de tentativa.
