Teatro, cinema, música e contacontos serán algunhas das actividades enmarcadas nos actos que se levarán a cabo en Vigo polo Día Internacional da Muller, que se conmemora o próximo 8 de marzo. Así o anunciaron este mércores o alcalde, Abel Caballero, e Ángeles Arias, en representación do Consello municipal da Muller. As actividades comezarán a partir deste sábado, día 5 de marzo, e finalizarán o próximo 22 de marzo.
Arias detallou a ducia de accións previstas, como a proxección da curto ‘Anatomía dunha serea‘, de Adriana Páramo, o vindeiro sábado ás 19,00 horas no auditorio municipal do Concello. O luns, á mesma hora, levará a cabo o recital de poesía de xénero, con Silvia Penas, na Casa Galega da Cultura.
Ademais da manifestación do 8M, o martes ás 10,00 horas terá lugar un pleno específico do Concello da Muller e ao día seguinte, ás 20,00 horas, representarase o teatro ‘Tabú’, da compañía Tarabela Creativa, no auditorio do Concello. O contacontos de igualdade levado a cabo por Paula Carballeira será na Praza 8 de marzo o venres 11 a partir das 17,30 horas.
A seguinte semana tamén haberá programación, como o acto de entrega do X Premio de Igualdade Ernestina Otero o 15 de marzo ás 20,00 horas no auditorio do Concello, entre outras actividades.
