Unha persoa resultou ferida ao sufrir unha saída de vía mentres circulaba co seu vehículo e chocar contra outro automóbil que estaba estacionado en na rúa Pino de Vigo, á altura do número 132. Segundo fontes do 112 Galicia consultadas por Europa Press, os feitos ocorreron pasadas as 11,30 horas deste mércores e foron os propios servizos sanitarios os que alertaron a emerxencias do ocorrido.

Así, desde a sala do 112 informouse a Protección Civil, á Policía Local e ao corpo de bombeiros. Tamén na mañá deste mércores tivo lugar outro accidente na parroquia viguesa de Zamans. Foi na estrada PO-331 á altura do cruce da asociación de veciños. Fontes da Policía Local informaron a Europa Press que se tratou dunha colisión frontal. Ata o lugar desprazáronse tamén os servizos sanitarios e a Garda Civil, despois de ser alertados polo 112 Galicia.