Os bombeiros de Vigo interviron este domingo para liberar a un neno ao que lle quedou unha man atrapada na bisagra dunha porta nunha vivenda da cidade olívica.

Segundo a información facilitada no 112 Galicia, os membros do Servizo de Prevención, Extinción de Incendios e Salvamento de Vigo liberaron a man do neno e, posteriormente, o menor foi trasladado polos profesionais do 061 nunha ambulancia ata un centro médico.

Os feitos tiveron lugar no Barrio de Luz, ao redor das 17,30 horas. Nese momento, unha persoa particular contactou co 112 Galicia para dar conta da situación do neno. Os xestores do CIAE 112 Galicia pasaron o aviso ao persoal sanitario, aos Bombeiros de Vigo, aos axentes da Policía Nacional e Local e a Protección Civil.