InicioSociedadeUVigo terá este curso 277 alumnos estranxeiros, aínda por baixo de cifras...

UVigo terá este curso 277 alumnos estranxeiros, aínda por baixo de cifras prepandemia

Con respecto a estes alumnos, o campus de Vigo concentra o maior número de matriculados doutros países (que chegan a través do programa Eramus, ISEP ou convenios bilaterais), con 222 estudantes; seguido polo campus de Pontevedra, con 30 alumnos estranxeiros, e o de Ourense, con 25 alumnos.

PUBLICADO O

- Advertisement -

Os programas de mobilidade internacional da Universidade de Vigo recuperan o seu pulso e, aínda que non se alcanzaron as cifras previas á pandemia de Covid, o número de estudantes estranxeiros na institución académica no curso 2021-22 será máis do dobre que os matriculados no curso anterior.

Así, segundo confirmou a vicerreitora de Responsabilidade Social, Internacionalización e Cooperación, Maribel Doval, este curso matriculáronse 277 estudantes doutros países para facer, ou ben un cuadrimestre, ou ben o curso completo en Vigo, fronte aos 118 estudantes estranxeiros do curso pasado.

Estas cifras, a pesar de estar aínda por baixo dos 412 estudantes foráneos matriculados no curso 2019-2020, evidencian unha recuperación deste tipo de alumnado e, segundo Doval, permiten “ser optimistas” para pensar que se está no camiño de volver á situación prepandemia.

Con respecto a estes alumnos, o campus de Vigo concentra o maior número de matriculados doutros países (que chegan a través do programa Eramus, ISEP ou convenios bilaterais), con 222 estudantes; seguido polo campus de Pontevedra, con 30 alumnos estranxeiros, e o de Ourense, con 25 alumnos.

O centro que máis estudantes acollerá será a Facultade de Filoloxía e Tradución, con 82 alumnas e alumnos; mentres que 40 matriculáronse na facultade de Ciencias Económicas e Empresariais, e outros 35 na Escola de Enxeñaría Industrial. No campus de Pontevedra, o centro con máis estranxeiros matriculados, 11, é a facultade de Ciencias da Educación e do Deporte; seguido por Ciencias Sociais e da Comunicación, con 10 alumnos. En Ourense, destaca a facultade de Ciencias Empresariais e Turismo, que recibe a 13 estudantes estranxeiros.

Estes alumnos proceden de 25 países distintos, e os grupos maioritarios son os que chegan desde universidades francesas (56 alumnos), alemás (52 estudantes) e italianas (45 estudantes). Ademais, hai estudantes de Polonia, Turquía, Reino Unido, República Checa, Portugal, Colombia, Romanía, Eslovaquia ou México, entre outros.

ÚLTIMAS

O histórico Teatro Fraga de Vigo volverá á vida: case 20 millóns de euros para unha reforma que comezará en 2027

O Consello da Xunta autorizou este luns a licitación das obras de restauración do...

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...

Abanca estrea as súas novas instalacións corporativas en Vigo cun investimento que supera os 25 millóns de euros

Abanca estreou este luns, 16 de novembro, as súas novas instalacións corporativas en Vigo,...

O Nadal de Vigo publicitarase en Londres, París, Nova York e Lisboa

O Concello de Vigo despregou a súa habitual campaña publicitaria a través de mupis...